КАТИЦА ЈАНЕВА СО ГАРАНЦИИ ВО НЕДВИЖНОСТИ СЕ НАДЕВА НА УКИНУВАЊЕ НА ПРИТВОРОТ

586

Поранешната шефица на Специјалното јавно обвинителство, Катица Јанева, преку својот правен застапник, скопската адвокатка Ирена Фрчкоска, доставила гаранции во недвижен имот, а за возврат таа очекува да и биде укината мерката притвор. Адвокатката Фрчкоска денеска потврди дека е поднесено барање за укинување на мерката притвор и дека најдоцна до петок, кога изминуваат првите 30 дена од притворот, да добијат позитивен одговор.
„Отпаднаа основите за определување мерка притвор и целта може да се постигне и со друга мерка. Не мора да се оди со најстрогата! Сметаме дека основите се отпаднати со самото нејзино разрешување од СЈО и од Основното јавно обвинителство – Гевгелија. Сето ова е наведено во предлогот и ќе видиме каква одлука ќе донесе Судот“, изјави Фрчкоска за државната агенција МИА.
Објаснувањето на Фрчкоска е во насока на одлуката којашто вчера ја донесе Советот на јавни обвинители кога го стави надвор од сила решението со кое на Јанева и мируваше местото во гевгелиското обвинителство. Ова подразбира дека Јанева не само што нема ништо со СЈО туку дека таа повеќе не е јавен обвинител и дека од тие причини за нема враќање ни во Гевгелија од каде и дојде на местото шеф на СЈО.

Спонзорирано