Сеад Кочан не успеа да го одложи одењето во затвор

2277

Судија за извршување санкции при Кривичен суд – Скопје го одби барањето на бизнисменот Сеад Кочан, поради здравствени причини, да му биде одложено издржувањето на затворската казна од четири години и осум месеци за предметот „Труст“ на СЈО.

– Судија за извршување санкции, надлежен да постапува по предметот од обвинителството означен како „Труст“, по добивање на целокупната медицинска документација неопходна за одлучување по барањето за одлагање на извршувањето на затворската казна на еден од обвинетите во конкретниот предмет, како и разгледување и ценење на истата, на 19 јули донесе решение со кое барањето се одбива како неосновано -соопштија од Судот.

Решението веќе е доставено до странките во постапката кои имаат право на жалба до Кривичниот совет, а по правосилноста на решението Кочан е долежн веднаш да се јави на издржување на затворската казна.

Бизнисменот требаше да се јави на издржување на затворската казна на 17 јули, откако Кривичниот совет ја потврди одлуката на судијата од Кривичниот суд да се одбие неговото барање за одложување. Во меѓувреме, тој поднесе друго барање за одложување на издржување на казната поради болест, што исто така, е одбиено.

Кочан е осуден поради нерегуларности за добивање тендер од ЕЛЕМ од 17 милиони евра.  со прикажување лажна документација. Тој е единствениот од овој предмет кој треба да одлежи затворска казна. Бизнисменот првично доби шест години затвор, но Апелацискиот суд му ја намали казната на четири години и осум месеци.

Спонзорирано