Врховниот суд ја уважи жалбата на обвинетиот Сашо Мијалков и му го укина куќниот притвор за случајот „Империја“. Мерката куќен притвор е укината и обвинетиот се пушта да се брани од слобода, поради мислењето што го донесе Врховниот суд дека СЈО нема законско право да бара притвор и да спроведува истраги 18 месеци по формирањето на СЈО.
Решението, како што се додава во соопштението, е донесено согласно начелното правно мислење утврдено на Општа седница на Врховниот суд одржана на 30 јануари годинава, а бидејќи мерката куќен притвор спрема обвинетиот С.М. е определена по барање на Јавното обвинителство за гонење на кривични дела поврзани и кои произлегуваат од содржината на незаконското следење на комуникациите, кое нема својство на овластен тужител во оваа постапка.
Поранешниот директор на УБК, Сашо Мијалков вчера излезе од Истражниот затвор „Скопје“ откако Апелацискиот суд му ја укина мерката притвор и му определи куќен притвор за случајот „Титаник 2“ за кој беше осуден на три години затвор.
