Боки 13 останува во притвор, Јанева се жали во Апелација

488

Апелацискиот суд Скопје одлучува по нова жалба за одбиената гаранција на поранешната специјална јавна обвинителка Катица Јанева за  укинување на притворот или за замена со куќен притвор.

На денешниот брифинг со новинарите во Основниот кривичен суд Скопје беше речено дека за Јанева имаше одлука од Кривичен совет дека и се продолжува мерката притвор по предлог на Обвинителството. За тоа, како што велат од Судот, имаше жалба, предметот беше пратен во Апелациски суд, од каде известиле дека се прави измена на точка 2 и дека останува само точка 1 и притворот.

Претходно, имаше понудено гаранција кај судија на претходна постапка, бидејќи тој го има определено притворот. Од судијата на претходна постапка гаранцијата беше укината. На тоа решение исто така имаше жалба од 26 септември, но по предметот не можеше да се одлучува затоа што беше во Апелациски по жалбата на Кривичен совет.

Од Основниот кривичен суд Скопје велат дека предметот вчера после работното време стигнал во Судот и утрово веднаш е препратен со новата жалба до Апелацискиот суд, кој дополнително треба да одлучи за жалбата на одбиената гаранција.Апелацискиот суд Скопје одлучува по нова жалба за одбиената гаранција на поранешната специјална јавна обвинителка Катица Јанева за  укинување на притворот или за замена со куќен притвор.

Апелацискиот суд денеска  не го прифати барањето на одбраната на осомничениот Бојан Јовановски – Боки 13 во случајот„Рекет“ да му се укине мерката притвор.

По разгледувањето на жалбата, Судот одлучил дека се уште постои опасност Боки 13 да побегне, како и да го повтори делото. Јовановски на вчерашната јавна седница во Апелацискиот суд се пожали дека тоа што физички изгледа добро, не ја отсликува неговата реална состојба.

Досега, единствено второосомничениот  во „Рекет“ Зоран Милески – Кичеец е пуштен во куќен притвор.