Скопското јавно обвинителство отвори истрага за 30-годишен турски државјанин, за кривично дело обид за убиство.
Како што потврдуваат од Обвинителството сега осомничениот, во средата, пред кафе-бар во Старата скопска чаршија, се обидел да лиши од живот едно лице, а по претходна вербална расправија и физичка пресметка. Имено, сега осомничениот, придружуван од уште неколку други неидентификувани лица, дошол пред кафе-барот по што тие физички го нападнале оштетениот, удирајќи го притоа со тупаници по главата и телото, а потоа осомничениот извадил пиштол и од него испукал три куршуми со што му нанел огнострелни повреди на оштетениот.
Инаку, освен наредба за отворање кривична истрага, Обвинителството, до скиопскиот кривичен суд, доставило предлог за изрекување мерка притвор.
