Слобода за Абдулфета Алими е барањето на на учесниците на протестот кој се одржа денеска во Скопје. Протестантите се собраа пред споменикот на Скендер Бег, каде што им се придружи и лидерот на Алијансата за Албанците -пратеникот Зијадин Села. Тој повеќе пати досега изјави дека животот му го должи на собранискиот обезбедувач Алими. Со Села беше и градначалник на Гостивар Арбен Таравари.
„Слобода за Абдулфета Алими“, „Монтиран политички процес“, „Не е тероризам да се спаси човек“… Со овие пораки, блиски и поддржувачи на Алими, осуден на седум години затвор за настаните во парламентот од 27 април 2017 година, протестираа пред Кривилниот суд.
Синот и сопругата на осудениот Абдулфета Алими побараа правда, а не милост и го повикаа премиерот Зоран Заев да го обелодени случајот бидејќи тој најдобро знае што точно се случувало за врем на „крвавиот четврток“.
Алими е еден од 16 осудени за настаните од 27 април, кои добија вкупно 211 години казна затвор.Најниска е казната за Алими, за кого се сметаше за олеснителна околност помошта што му ја пружил на Села. Највисока каза, од 18 години затвор, доби тогашниот директор на БЈБ Митко Чавков.
