Основното јавно обвинителство Кочани донесе наредба за спроведување истражна постапка за три лица, од кох еден за продолжено кривично дело неовластено производство и пуштање во промет наркотични дроги, а за другите двајца за помагање при извршување на кривичното дело.
Првоосомничениот, во периодот од 10. до 23. минатиот месец, организирал, нудел на продажба и продавал наркотична дрога марихуана. Имено, во повеќе наврати на лице со прикриен идентитет тој му нудел продажба на марихуана од објект на друштво за производство и промет на земјоделски производи, во селото Уларци, кое се занимава со производство на канабис. На овој начин тој организирал нелегална продажба на речиси седум килограми марихуана од објектот.
Второ и третоосомничениотт му помагале на првоосомничениот така што му овозможувале на лицето со прикриен идентитет да влезе во објектот и да ја преземе дрогата.
По предлог на надлежниот јавен обвинител, Основниот суд Кочани определи мерка притвор во траење од 30 дена за тројцата осомничени.
(Фото: Комарец)
