Основното јавно обвинителство за гонење на организиран криминал и корупција ќе иницира истрага за јавните набавки за изградба на модуларните болници во државава, а по катастрофалниот пожар кој се случи во тетоскат КОВИД- болница кој одзема 14 човечки животи.
„Трагичниот настан што се случи во Тетово иницираше Основното јавно обвинителство за гонење на организиран криминал и корупција согласно своите надлежности да отвори предмет по допрен глас. Постапката е во насока на проверка на спроведувањето и реализацијата на јавните набавки за изградба на модуларните болници во државава. За таа цел, денеска, до Бирото за јавни набавки и Министерството за труд и социјална политика е издадена наредба за обезбедување на севкупната документација поврзана со изградбата на сите 19 модуларни болници“, се вели во соопштението на ОЈО ГОКК. Оттаму и информација дека материјалните докази ќе бидат предмет на анализа во насока на утврдување дали документацијата за спроведената јавна набавка соодветствува со техничката документација за овие објекти.
